Рэкамендавана Навукова-метадычнай установай «Нацыянальны інстытут адукацыі» Мiнiстэрства адукацыi Рэспублiкi Беларусь Рабочы сшытак падрыхтаваны ў адпаведнасці з вучэбнай праграмай па беларускай мове для 5 класа. Прапанаваная сістэма заданняў дапаможа больш трывала засвоіць новы вучэбны матэрыял і паўтарыць пройдзены, што будзе садзейнічаць фарміраванню ўстойлівых моўных і маўленчых навыкаў вучняў. Лінгвакультуразнаўчы матэрыял, які складае аснову асобных практыкаванняў, паспрыяе спасціжэнню каштоўнасцей і рэалій нацыянальнай культуры, асэнсаванню самабытнасці і ўнікальнасці беларускай мовы. Адрасуецца вучням устаноў агульнай сярэдняй адукацыі з беларускай і рускай мовамі навучання.